2018开码结果开奖记录

独人 中出羊子斥罗冠聪 走佬抗争 谬论

发布时间:2021-02-15

揽炒派成日都跌落地揦返拃沙,着咗草都要讲到自己仲"抗争"紧,咁咪俾人寸到无地自容囉。已经"走佬"英国好耐嘅前"香港众志"主席罗冠聪,日前就喺facebook发文讲BNO"5+1"移民政策,佢仲话移民去英国嘅港人,要通过自己嘅努力令英国社会接受自己嘅"价值",最终目标系为香港攞返"民主",减少留喺香港"手足"嘅"痛苦"喎。咁奇幻迂回嘅情节,就引嚟"港独"分子睇唔过眼,闹爆佢贪生怕死同荒谬嘞。

罗冠聪依家喺伦敦寻求"庇护",佢已因为涉嫌违反香港国安法被通缉。日前就喺fb发咗篇千字文,畀有意移民英国嘅港人做"思想准备"。佢喺文中话,移民嘅目的系要累积足够嘅影响力,令香港"重拾自由",得到允诺嘅"民主",减轻仍然身处香港"手足"嘅痛苦,最终等啲"流亡"海外嘅"手足"可以重回旧地、"政治犯"重获自由,享受应得的政治权利。

"港独"分子中出羊子就直接喺评论度,闹爆罗冠聪颠倒因果。佢话:"你哋几个夹带私逃,贪生怕死,就同香港嘅『黄色』医护人员一样,声称『罢工抗疫』一样咁荒谬,如果罢工可以对抗病情,逃亡可以革命,咁样我相信你食屎都可以痾(屙)饭啦。"

网民讥罗"众筹去旅行"

网民"Maggie Chan"亦闹爆罗冠聪,如果"好×中意香港"点会"飞走",又讥佢"众筹去旅行",叫佢"离开之后就唔好再讲香港的政治了,唔关你事"。

"Johnson Cool"就留言寸罗冠聪所谓嘅"国际线"︰"聪仔坚守咗乜嘢国际战线?佢做咗乜?可唔可讲几个实例嚟听吓?"

来源:文汇报